Sebastian White kom frå London til Nordmøre i 1614 og busette seg på Åsgard kring 1617. Segna seier at han laut røme heimlandet for å berge livet i religionsstridane. Kjærasten hans skulle heite Beatrice. Foreldra hennar var katolikkar, og da dei fekk greie på at ho ville gifte seg med Sebastian og gå over til protestantismen, stengde dei dotra inn i klostret. Men den gode Sebastian fridde henne ut på eventyrleg vis og sigla hit med skatten sin.
Denne segna er vel helst eit plagiat av ei gamal riddersoge. Det som ein trur å vita om Sebastian er at han var fødd i London i september 1591. Truleg var han soneson til ein Sebastian White,
som var fødd i Normandie i Frankrike omlag 1525 30 og vart engelsk borgar i 1555. Far til Sebastian på Åsgard heitte visstnok George White og var trelasthandlar i London, og når sonen fann på
å reise til Norge, så har nok helst dette stått meir i samband med spekulasjon i trelasthandel enn med religion og kjærleik. For nettopp i denne «hollendertida» var det pengar å gjera her til lands
i trelasthandel, og mange utlendingar slo seg ned i Norge utetter 1600 talet. Tradisjonen, både i ætta på Åsgard og enda meir i ei grein av ætta i Rindalen, vil vita at herr Sebastian var av engelsk
landadel. På ei altartavle som han skal ha gjeve til Stangvikkjerka etter han kom til Åsgard, seiest det at våpenmerket hans stod inn skore: to kvite duver og ei bikube.
Sebastian var gift kring 1617 med Ingeborg Audensdotter av Tryggeætta på Aspa, og med henne fekk han ikkje berre Åsgard til heimafylgje, men også Bele, Husby og Hallset i Stangvik. Knarvik på Tustna og Myrset og Nedal i Kvernes. Mot Nedal og noko av Myrset makeskifta han åt seg Settem i 1639.
Sebastian White og Ingeborg Audensdotter hadde fire born:
1591 - 1656 (64 år)
: Adresse
: Lokasjon
: By
: Fylke/Grevskap
: Stat/Provins
: Land
: Ikke satt