Dei fem siste av desse borna kom til verda på Talset. Martinus kjøpte nemleg garden Talset i Nesset og flytta dit. Han selde da Oppigarn til broren John Knutson, for 6 000 kroner, og han over— drog straks etter garden til sonen Thore ]ohnson Angvi/e, som betalte 6 600 kroner og fekk skjøte 16/6 1902. I 1906 kom det tri mann frå møbelfabrikken på Hovdenakken i Bolsøy og kjøpte sagfallet for å starte møbelfabrikk i Angvika. Det var Olaf Schmedling, K. S. Røvik og Johannes Våge. Sagfallet — bnr. 10, Trøa, av skyld 0,05 — vart fråskild garden 11/6 1906 (Pb. 35, f. 490), og dette vart opptakten til den møbelindustrien som i seinare tider har sett sitt sterke preg på Angvikgrenda og gjeve levebrød til mange. Karane som starta fekk det ikkje til å gå. Dei heldt det gåande i 2 år, og i 1909 tok Thore Jonson Angvik over eigedomen og maskinene. Sia da har verksemda gått framover gjennom skiftande tider og konjunkturar under fast og klok leiing av Th. Angvik og sønene hans. Fabrikken har vorte modernisert og utvida fleire gonger og har no — trass i rasjonalisering — ein arbeidsstokk på ikring 25 mann.
Utanom arbeidet sitt med gardsbruk og fabrikkdrift var Th. Angvik mykje med i bygdestyringa og hadde mange tillitsverv. Han var ein tiltaksam mann, som ofte gjekk føre når noko nye tiltak skulle fremjast. M. a. bør nemnast at han tok initiativet til kraftverket for grenda, som vart bygd i 1912. Kona Brit Larsdotter var sterkt interessert for fråhaldssak og kristeleg arbeid og tok vel imot dei forkynnarane som for i grenda. (Hyldbakk)
1902 -
Søsken
: Adresse
: Lokasjon
: By
: Fylke/Grevskap
: Stat/Provins
: Land
: Ikke satt